यी अभिनेत्री कती अभागी, फिल्म त खेलिन् तर रिलिज हुँदैन

करिब ७ बर्ष अगाडि फिल्म क्षेत्रमा केही गर्छु भन्ने सोचका साथ आएकी सिन्धुपाल्चोककी खुश्वु खड्का अहिले यही क्षेत्रमा अभागी देखिएकी छिन् । खुश्वुपछि आएका कति अभिनेत्री अहिले राम्रो स्थानमा पुगेर काममै व्यस्त छन् । तर, उनी भने अहिले पनि आफूले काम गरेका फिल्मको रिलिज कुर्दैछिन् । खुश्वुले आजसम्म आधा दर्जन फिल्ममा काम गरिन् ।

तर,सायना नाम गरेको उनको पहिलो फिल्म रिलिज भयो, अरु भएको छैन । अभिनेता जीवन लुइटेलसँग उनले काम गरेको फिल्म सुकुलगुण्डा अहिलेसम्म रिलिज भएको छैन । यसैले पनि उनको काम न फिल्म नगरिकाले हेर्न पाएका छन् न त उनको करिअर नै अगाडि बढ्न पाएको छ । यसैले खुश्वु अहिले फिल्म क्षेत्रमा अभागी देखिएकी छिन् ।