भाग् सानी भाग् का लागि कहिलेसम्म भाग्ने ?

फिल्म भाग् सानी भाग्को प्रचारका लागि यसका निर्माता सहदेव गौतम, निर्देशक नेवल नेपाल, प्रस्तुतकर्ता एवं संगीतकार चेतन सापकोटा पुर्वका विभिन्न जिल्लामा पुगेका छन् । फिल्म प्रचारका लागि पश्चिम पुगेर काठमाण्डौ फर्किएपछि फेरि उनीहरु पूर्व पुगेका हुन् ।

इटहरी, धरान, दमक, विर्तामोड, विराटनगर नेपाली फिल्मका लागि राम्रो बजार हुन् । चेतन सापकोटाले फिल्म प्रचारका क्रममा दर्शकले यसको प्रतिक्षा गरेको आफूले पाएको बताए ।

टीभी, रेडियो र पत्रिकामा अन्र्तवार्ता दिदै उनीहरुले फिल्म प्रचार गरेका छन् । फिल्मका मुख्य कलाकार केकी अधिकारी र सविन श्रेष्ठ भने अहिले फिल्म प्रचारमा पूर्व पुगेका छैनन् । चितवन, पोखरा, बुटलमा पनि उनीहरु पुगेका थिए ।