पवित्रा र ध्रुबदत्तले आवेगमा गरे यस्तो रोमान्स (भिडियो)

आर्यन सिग्देल एक्सन अवतारमा प्रस्तुत भएको चलचित्र ‘आवेग’को नयाँ गीत युट्युब मार्फत सार्वजनिक भएको छ । चैत्र १२ गतेदेखि सार्वजनिक प्रर्दशनमा आउन लागेको यो सिनेमाको सार्वजनिक गीतमा अभिनेता ध्रुबदत्त र अभिनेत्री पवित्रा आचार्यको रोमान्स हेर्न सकिन्छ ।

‘चाहे झुटो कसम’ बोलको यो गीतमा गीतमा संगीत धिरज श्रेष्ठको छ भने कोरियोग्राफी कविराज गहतराजको छ । गीतमा मिलन अमात्यको आवाज छ ।

निर्देशक र निर्माता बीच बढेको असमझदारीले प्रचार प्रसार राम्रोसँग हुन नसकेको यो सिनेमालाई बसन्त निरौलाले निर्देशन गरेका हुन् । फिल्ममा लगानी भने झमक नारायण घिमिरे, धनसिंह केसी र राजेश्वर श्रेष्ठको छ । अष्ट महर्जनको द्वन्द्व समावेश फिल्म किरण माईकलको कथामा तयार भएको हो । फिल्मलाई पुरुषोत्तम प्रधानले खिचेका छन् ।