सुरजनी र रीजालाई भगाउने ‘झिल्के’ को हो ?
फिल्म ‘सुन्तलीलाई भगाई लग्यो झिल्के ले’ को शिर्ष गीतको अडियो बजारमा आएको छ । युटुबबाट सार्वजनिक भएको यो गीतमा ‘रेशम फिलिली’को ‘पिरतीको छाता’ बोलको गीत गाउने गायक कालिप्रसाद बाँस्कोटाले माण्डवी त्रिपाठीसँग मिलेर आवाज दिएका छन् ।
फिल्मका निर्देशक ऋषिराज आचार्यले शब्द कोरेको गीतलाई विपिन आचार्यले संगीत गरेका हुन् । गीतको शैली ‘पिरतीको छाता ओडाउन’ जस्तो गरि बनाइएको छ ।
सुशान्त कार्की, सुशिल सिटौला, सुरजनी केसी, रीजा भुुषालको मुख्य भूमिका फिल्ममा छ । निर्देशक आचार्यका अनुसार यो गीतको उत्कृष्ट भिडियो बनाएर पठाउने एक जोडीलाई यसको सिक्वेलमा अभिनेता र अभिनेत्रीको रुपमा लिइनेछ ।
