नीता र आमेषको ‘फूलै फूलको मौसम तिमीलाई’ शनिबार राम्रो

फिल्म ‘फूलै फूलको मौसम तिमीलाई’ले पहिले दिन सामान्य व्यापार गरेपनि दोश्रो दिन भने केही माथिको कलेक्शन गरेको निर्देशक तथा निर्माता दीनेश डीसीले बताएका छन् । फिल्मले शुक्रबार सामान्य ओपनिङ गरेको थियो । तर, शनिबार बिदाको दिन फिल्मको व्यापारले आफू सन्तुष्ट भएको दीनेशले बताए ।

फिल्मको कलेक्शन भने सार्वजनिक गरिएको छैन । नीता ढुंगाना र आमेष भण्डारीको मुख्य भूमिका रहेको यो फिल्मले प्राकृतिक शक्तिको कथालाई देखाएको छ । गीतका कारण चल्नु अगावै चर्चामा रहेको यो फिल्मले काठमाण्डौमा साना हल पाएको छ । काठमाण्डौको गोपिकृष्ण बाहेक शनिबार अन्य हलमा व्यापार राम्रो रहेको दीनेश बताउँछन् ।विश्वज्योती र गुण सिनेमाको ब्यापारले उनी सन्तुष्ट देखिएका छन् ।

उनले सोमबारदेखि वुधबारसम्मको ३ दिने बिदामा फिल्मले राम्रो कलेक्शन गर्ने अपेक्षा गरे । नेपालमा पहिलो पटक यस्तो कथामा फिल्म बनेकाले पनि दर्शकले फरक स्वाद लिएको दीनेश बताउँछन् । अभिनेत्री नीता ढुंगानाले पनि शनिबारको व्यापारलेआफू खुशी भएको  बताइन् । सिनेमाले काठमाण्डौं उपत्यकामा १२ वटा र बाहिर ११ वटा मात्रै हल पाएको छ ।