हिरो बन्दै, ‘हिरो’ बनाउदै सविन

अभिनेता सविन श्रेष्ठ पनि फिल्म निर्माणमा प्रवेश गरेका छन् । नेपाली फिल्मका कलाकार निर्माणमा प्रवेश गरिरहेको समयमा सविनले पनि नयाँ परिचय थपेका हुन् । उनको प्रस्तुतीमा फिल्म ‘हिरो’ बन्ने भएको छ । १२ बर्ष अगाडि निर्माता छविराज ओझाले यही नाममा फिल्म बनाएका थिए । अब, सोही नामलाई सविनले १२ बर्षपछि आफ्नो निर्माण यात्राको लागि प्रयोग गरेका छन् । फिल्मको निर्देशन समिर मियाले गर्नेछन् ।

सविनका अनुसार यो फिल्ममा एक्सन भरपुर हुनेछ । वैशाखबाट छायांकन सुरु हुने फिल्मको फस्टलुकमा सविन एक्सन शैलीमा देखिएका छन् ।

फिल्मका लागि अन्य कलाकार फाइनल भएका छैनन् । सविन अहिले एक्सन अभिनेताको रुपमा चिनिएका छन् । फिल्ममा सहदेव गौतम र अमन मियाले लगानी गर्नेछन् । शिवम् अधिकारीको फिल्ममा कथा, पटकथा तथा संवाद छ ।