बर्षमा एउटा हिट फिल्म दिने नीताको सोच के पुरा होला ?

अभिनेत्री नीता ढुंगानाको हातमा अरु चल्तीका अभिनेत्रीको जस्तो धेरै फिल्म हातमा छैन । हुनत, उनी बर्षमा एउटा हिट फिल्म दिने सोचका साथ अगाडि बढेकी छिन् । यसैले पनि एउटा तर राम्रो फिल्म गर्ने उनको सोच छ ।

नीता यो बर्ष आफू अभिनित फिल्म ‘फूलै फूलको मौसम तिमीलाई’को प्रतिक्षामा छिन् । शुक्रबारबाट यो फिल्म हलमा लाग्छ । नीताले बर्षमा एउटा हिट फिल्म दिने अठोट त बनाएकी छिन् । यसका लागि यो फिल्म चल्नै पर्ने हुन्छ ।

यो बर्ष उनको ‘धुन’ भन्ने फिल्म रिलिज भयो तर पूर्ण असफल पनि भयो । यसैले हिट फिल्म दिने उनको अठोट पुरा हुनका लागि यो फिल्म त चल्नै पर्छ । यो फिल्म पनि चलेन भने नीताका फिल्मी करिअरमा ठूलै धक्का लाग्नेछ ।