नेपाल फर्किदै जीवन, तर के छ उनको फिल्मी माहोल ?

अभिनेता जीवन लुइटेल नेपाल फर्किदै छन् । केही महिना अमेरिका बसेका जीवनले आफू नेपाल फर्किदै गरेको जानकारी दिएका छन् । जीवनले अमेरिकामा रहँदा ‘काफल पाक्यो’, ‘रिफ्यूजी’ फिल्म शो गरेका थिए । जीवन अमेरिकामा आफ्नो फिल्म रिलिज गर्न पुग्ने गर्छन् ।

जीवनले क्यानडामा फिल्म ‘काफल पाक्यो’ पनि रिलिज गरेका थिए । जीवन नेपाल फर्किदै गर्दा अहिले उनको क्रेज कस्तो छ भन्ने चर्चा धेरैले गर्न थालेका छन् ।

जीवन अभिनित ३ फिल्मले नै यो बर्ष बक्स अफिसमा केही गरेनन् । ‘धुन’, ‘काफल पाक्यो’ र ‘रिफ्यूजी’ फिल्म रिलिज भएपनि चलेनन् । जसले गर्दा जीवनको करिअर धरापमा छ भन्नेहरु पनि फिल्म नगरीमा भेटिन्छन् । जीवन नेपाल फर्कदै गर्दा नयाँ अभिनेताहरुको चर्चा धेरै छ । अभिनेता आर्यन सिग्देलले ‘क्लासिक’ फिल्म हिट दिएर आफूलाई सुरक्षित गरिसकेका छन् । अनमोल केसीको चर्चा अहिले खुबै छ ।

जीवनले अमेरिकामा ग्रिन कार्ड पाएको वा नपाएको बताएका छैनन् । तर, आफूले एप्लाई गरेको भने जीवन बताउँछन् । यस्तो समयमा के जीवनलाई नेपाली फिल्ममा सक्रिय हुन सजिलो होला ?