रेखा थापा अब महिला भलिबल दुत

‘रामप्यारी’ रेखा थापा महिला भलिबलको ‘गुडविल एम्वेसडर’ का रुपमा नियुक्ती भएकी छन् । बाँके जिल्ला भलिबल संघले सोमबार राजधानीमा औपचारिक कार्यक्रम गर्दै नायिका थापालाई प्रधानमन्त्री कप इन्डो नेपाल महिला भलिबल दुतको रुपमा नियुक्त गरेको हो । ‘म पनि खेल प्रेमी हुँ, महिला भलिबल टोलीमा दुतको रुपमा नियुक्त हुंन पाउँदा ज्यादै खुसी छु’, नायिका थापाले खुशी हुदै भनिन्, ‘आफुले सक्ने सहयोग गर्नेछु ।’

यता बाँके जिल्ला भलिबल संघका अध्यक्ष टिएस ठकुरीले नायिका थापाको संलग्नताले यस महिला भलिबल कपले थप उचाई लिने विश्वास व्यक्त गरे । दुई संस्करण पुरा भैसकेको प्रधानमन्त्री कप इन्डो नेपाल महिला भलिबल प्रतियोगिताको आगामी संस्करण भने बाँकेमा आयोजना हुनेछ ।

भलिबलको ‘गुडविल एम्वेसडर’को रुपमा नियुक्त भएकी नायिका थापाको चलचित्र ‘राम प्यारी’ चैत्र २६ गतेदेखि सार्वजनिक प्रर्दशनमा आउदैछ । ‘राम प्यारी’मा यसपाली पनि उनले महिला शसक्तिकरणको कथा उठान गरेको बताएकी छिन् । चलचित्रलाई सविर श्रेष्ठले निर्देशन गरेका हुन् ।