प्रियंका लागिन् २९, उनको बर्थ डे मा ‘हाउ फन्नी’ केक
अहिलेको समयकी ब्यस्त अनि सफल नायिका प्रियंका कार्की आजबाट २९ बर्षमा प्रवेश गरेकी छिन् । उनले आफ्नो जन्मदिन चलचित्र ‘हाउ फन्नी’ युनिटसँग सेलिब्रेट गरिन् ।
उनको जन्मदिनको अवसर पारेर चलचित्र युनिटले प्रियंकाको लागि बिशेष केक काटेको थियो । उनले हाउ फन्नी बिशेष केक काट्दै सबैभन्दा पहिले नायिका केकी अधिकारीलाई खुवाईन् । प्रियंकाले ‘हाउ फन्नी’को बिशेष केकले गर्दा आफ्नो जन्मदिन पनि बिशेष भएको प्रतिक्रिया दिईन ।
प्रियंकाको जन्मदिनमा चलचित्र ‘हाउ फन्नी’को टेलर र गीत पनि सार्वजनिक गरिएको छ, जहाँ प्रियंका जासुसको भुमिकामा देखा परेकी छिन् ।
निलु डोल्मा शेर्पाले निर्देशन गरेको यो फिल्म बैशाख १० गतेदेखि प्रदर्शनमा आउँदैछ, चलचित्रमा मल्भिका सुब्बा कार्यकारी निर्माताको रुपमा रहेकी छिन् । यो सिनेमामा नायिका प्रियंकाका अलावा केकी अधिकारी, दयाहाङ राई, निशा अधिकारी, अनुपविक्रम शाही लगायतको मुख्य भूमिका रहेको छ ।
