माल्भिकाको सन्तान वैशाख १७ मा, सिनेमा १० मा (भिडियो सहित)

पूर्व मिस नेपाल माल्भिका सुब्बाले वैशाख १७ मा सन्तानलाई जन्म दिने भएकी छिन् । फेसबुकको वालबाट आफू गर्भवती भएको तस्बिर पोष्ट गरेकी माल्भिकाले सन्तान जन्मने दिन पनि लुकाउन सकिनन् ।

त्यस्तै, वैशाख १० मा उनी पहिलो पटक कार्यकारी निर्मात्री बनेको फिल्म ‘हाउ फन्नी’ लाग्दैछ । वैशाख १० मा फिल्मलाई जन्म दिने माल्भिकाले त्यसको एक सातापछि सन्तानलाई जन्म दिनेछिन् ।

निलु डोमा शेर्पाको निर्देशनमा तयार भएको फिल्म ‘हाउ फन्नी’मा माल्भिका कार्यकारी निर्माता हुन् । यसैले पनि अहिले आफू फिल्म र सन्तानलाई लिएर उत्साहित भएको माल्भिकाको भनाई छ ।

दयाहाङ राई, केकी अधिकारी, प्रियंका कार्की, निशा अधिकारी, अनुप विक्रम शाहीको मुख्य भूमिका रहेको फिल्म ‘हाउ फन्नी’ले दुई जासुस महिलाको कथालाई भन्छ । प्रियंका र केकी फिल्मका मुख्य २ जाशुश हुन् ।

शनिवार राजधानीमा भएको चलचित्रको बिशेष पत्रकार भेटघाटमा फिल्मको ट्रेलर, गीत पनि देखाइएको थियो । फिल्मका मुख्य २ पात्र केकी र प्रियंकाले ‘हाउ फन्नी’ आफूहरुको करिअरकै लागि एउटा महत्वपूर्ण फिल्म भएको बताए । निर्देशक निलुले फिल्ममा एक धनाढ्य परिवारकी छोरी हराएपछि सुरु हुने जासुसीको कथालाई उठान गरिएको बताइन् ।

Watch Video here :-