यो बर्ष नम्रता र पूजा दुबै लक्की

अभिनेत्री नम्रता श्रेष्ठको यो बर्ष एउटा मात्र फिल्म रिलिज भएको छ । अबको करिब डेढ महिनामा उनको कुनै पनि फिल्म रिलिज नहुने भएकाले ‘क्लासिक’ मात्र यो बर्ष रिलिज भएको छ । नम्रताको यो फिल्मले बक्स अफिसमा पनि राम्रो ग¥यो । त्यो भन्दा बढी उनको यो फिल्मबाट राम्रो तारिफ भयो । यो बर्ष नम्रता लक्की साबित भएकी छिन् ।

त्यस्तै नम्रता अभिनित ‘क्लासिक’सँगै रिलिज भयो ‘प्रेमगीत’ । यसअघिका चलचत्रिहरुबाट सोचेजति सफलता हासिल नगरेकी अभिनेत्री पूजा शर्मालाई प्रेम गीतले भने निकै राम्रो सफलता दिलायो । फिल्म तेश्रो सातामा चलिरहेको छ । पहिलो साता फिल्म हेर्न हलमा दर्शक राम्रैसँग आए ।

जसका कारण पूजा शर्मा पनि लक्की देखिएकी छिन् । आफु अभिनित चलचित्रले ब्यबसायिक सफलता नगरीरहेको बेलामा एउटा फिल्म राम्रो चल्दा कलाकारलाई पनि निकै राम्रो फाइदा हुन्छ ।