पोखराको सडकमा केकीको दौडधुप

पोखराको सडकमा अभिनेत्री केकी अधिकारी एक्कासी दौडिइन् । सारी लगाएकी केकी र अभिनेता सविन श्रेष्ठ एकसाथ दौडिए । दौडदा दौडदै दुबैजना महेन्द्र पुल चोकमा पुगेका थिए ।

यस्तो दृश्य पोखरामा मंगलबार देखियो । फिल्म ‘भाग् सानी भाग’को प्रमोशनका लागि पोखरा पुगेका कलाकारहरुलाई प्रचारका लागि नौलो शैली दिइएको हो । करिब सय मिटर दौडिएपछि केकी र सविन पत्रकार सम्मेलनमा उपस्थित भए ।

केकीले फिल्ममा आफूले पश्चिमेली यूवतीको भूमिकामा काम गरेको भन्दै दर्शकलाई पेट मिचि मिच हसााउने बताइन् । निर्माता चेतन सापकोटाले फिल्मको कथावस्तु अनुसार प्रचारको नयाँ तरिका अपनाएको बताए । निर्देशक नवल नेपालले यसपटक आफूले दर्शक रुवाउन छाडेर हसााउने बताए ।

चैत्र ५ गतेबाट यो फिल्म देशभर रिलिज हुँदैछ । फिल्मको प्रचार गर्न अहिले निर्माता सहदेव गौतम सहितको टोली देश भ्रमणमा निस्किएको छ ।