५ दिनका लागि निखिल अमेरिकामा

अधिकांश कलाकारका लागि अमेरिका सपनाको देश हो । अमेरिका जान पाउने कलाकार आफूलाई खुबै भाग्यमानी ठान्छन् । कतिपय कलाकार त अमेरिका गएपछि नेपाल फर्किदैनन् ।

धेरै कलाकार छोटो समयका लागि अमेरिका पुग्दैनन् । अमेरिका गएपछि एक महिना हराउनु कुनै नयाँ कुरा होइन ।

तर, अभिनेता निखिल उप्रेती भने एक दिनको कार्यक्रमका लागि अमेरिका उडेका छन् । उनी ५ दिनमा नेपाल फर्किनेछन् । ११ तारिखमा निखिल अमेरिकाबाट नेपाल फर्किनेछन् ।

नेपालमा फिल्मको खात लागेपछि निखिलको व्यस्तता बढेको छ । यसैले भैरव फिल्मको शोका लागि अमेरिका उडेका निखिल सपनाको देशमा जम्मा ५ दिन बस्नेछन् । निखिल अहिले फिल्म संरक्षणको छायांकनमा व्यस्त छन् भने यसपछि सविर श्रेष्ठको फिल्ममा काम गर्नेछन् ।