मिठो छ चलेस बतासको ‘मिठो मिठो’
फिल्म चलेस बतास सुस्तरीमा समावेश ‘मिठो मिठो’ बोलको गीत बाहिरिएको छ । प्रेम दिवसको अवसर पारेर हलमा लाग्ने यो फिल्मको गीतसंगीतले पनि फिल्मलाई अब्बल बनाइरहेका छन् । सुष्मा कार्की र प्रमोद भारद्धाज फिल्मका मुख्य कलाकार हुन् ।
डेभिड शंकर र आंकाक्षा बस्यालको स्वरमा समावेश यो गीतलाई प्रदिप भारद्धाजले लेखेका हुन् । माघ २९ गतेबाट प्रदर्शनमा आउने यो फिल्मलाई अनिला खड्का र सवु सुवेदीले निर्देशन गरेका हुन् । फिल्मको निर्माण र कथावस्तुमा विशेष ध्यान दिइएको निर्माता प्रदिप भारद्धाजले बताए । फिल्मको ट्रेलरले एक प्रकारको उचाई पाइसकेको छ ।
बोल जस्तै गीत पनि मिठो देखिएको छ । अभिनेत्री सुष्मा कार्कीको खस्कदो करिअरलाई यो फिल्मले उकास्ने विश्वास गरिएको छ ।
