करिश्मा पनि औपचारिक रुपमा राजनीतिमा

नेपाली फिल्म जगतकी चर्चित अभिनेत्री करिश्मा मानन्धर औपचारिक रुपमा राजनीतिमा होमिएकी छिन् । फिल्मी क्षेत्रका चर्चित कलाकार राजनीतिक दलका छातामुनी बस्दा पनि करिश्माले आफूलाई टाढा नै राख्दै आएकी थिइन् ।

अब भने करिश्माले पूर्व प्रधानमन्त्री डा. बाबुराम भट्टराइको नयाँ शक्तिबाट राजनीतिक यात्रा सुरु गर्ने भएकी छिन् । नयाँ शक्तिको केन्द्रिय परिषद्को घोषणा कार्यक्रममा उपस्थित करिश्माले बाबुरामको विचारसँग सहमत भएकाले आवद्ध भएको बताइन् ।

उनीसँगै निर्माता अशोक शर्मा र अभिनेता सरोज खनाल नयाँ शक्तिको केन्द्रिय परिषद्मा परेका छन् । करिश्माले नयाँ विचारलाई सधै स्वागत गर्नुपर्ने भन्दै बाबुरामको गन्तव्य स्पष्ट भएको बताइन् । अर्का कलाकार सरोज खनालले बाबुरामलाई आफूले नै भेटेर नयाँ शक्तिमा आवद्ध हुन चाहेको बताएको जानकारी दिए ।

उनले करिश्मा, अशोक र आफू मिलेर फिल्म क्षेत्रका लागि धेरै काम गर्ने बताए । उमेर छिप्पदै गएपछि र लोकप्रियता घट्दै गएपछि कलाकार राजनीतिक दलमा आवद्ध हुन थालेको पाइन्छ । के यसले उनीहरुको फ्यान संख्यामा फेरबदल ल्याउला त ?