काठमाडौं । चार वर्षकै उमेरमा गाएर श्रोताको मन–मुटमा बस्न सफल अमन प्रधानले नेपाली ‘रकस्टार’का रुपमा स्थापित हुनेक्रममा रहेका अमनले आफ्नो नयाँ गीत ‘माया’को म्युजिक भिडियो रिलिज गरेका छन् ।

गायक तथा संगीतकार राहुल प्रधानका छोरा अमन उमेरले भर्खरै १५ टेक्दैछन् । तर, उनले ५० भन्दा धेरै राष्ट्रिय तथा अन्तर्राष्ट्रिय स्टेजमा प्रतिभा प्रस्तत गरिसकेका छन् ।

Aman Pradhanभिडियो रिलिजपछि शनिबार एक अनौपचारिक कार्यक्रममा अमोलले भने, ‘यस गीतबाट आशावादी छु किनकि, अहिलेसम्मकै मेरा गीतहरुका यो राम्रो बनेको छ ।’ म्युजिक भिडियोमा अमनसँगै इटालियन मोडल माया रोसेन्बर्ग खानले मोडलिङ गरेका छन् । आफ्नो गीतको टाइटल पनि माया र भएकाले मायालाई भिडियोमा अभिनय गराएको अमनले बताए ।

बालुवाटास्थित टर्किज स्कुल मेरोडियन इन्टरनेशनलमा कक्षा ९ मा अध्ययनरत अमनले १० वर्षकै उमेर ‘अमन द रकस्टार’ नामक एल्बम ल्याएका थिए । त्यसपछि दोस्रो एल्बमका रुपमा ‘रकस्टार रि–लोडेड’ ल्याएका अमनयतिखेर ‘रक द वल्र्ड’ ल्याउने तयारीमा छन् । सार्वजनिक भिडियो यसै एल्बमको हो । जुन एल्बम सन् २०१६ भित्रै रिलिज गर्ने अमनले बताए ।

यहाँसम्म आइपुग्दा अमनले अन्तराष्ट्रिय संगीत प्रतिस्पर्धामा समेत सहभागी जनाइसकेका छन् । यस सन् २०१५ मै टर्कीद्वारा आयोजित ‘आइएफएलसी’ नामक गायन स्पर्धामा अमनले दोस्रो स्थान हासिल गरेका थिए ।

प्रतियोगितामा १४ देशका प्रतिभा छनोट भएका थिए । उक्त प्रतियोगितामा पहिलो स्थान भने थाइल्याण्डले पाएको थियो ।
भिडियो :

For More videos Log on to Mazzako TV