‘ह्यारी पोर्टर’ लेखिकाले भनिन्, ‘नेपाल आउन पाँउदा खुशी लाग्यो’

मज्जाको अनलाईन, चैत्र  ७ गते, शनिवार, २०७१, काठमाण्डौ । 

संसारमा सबैभन्दा बढी बिक्री भएको उपन्यास हो ‘ह्यारी पोर्टर’ । यही उपन्यासकी लेखिका जेके रोलिङ्ग यतिबेला नेपालमा छिन् । उनले ‘द ब्रिटिश स्कुल’का विद्यार्थीहरुसँग साक्षात्कर पनि गरेकी छिन् । उनलाई आफ्नै आँखा अघि देख्न पाउदा स्कुलका विद्यार्थीहरु छक्क परेका थिए ।

बेलायती लेखिका रोलिङ्गले विद्यार्थीहरुसँग खुलेरै कुराकानी गरिन् । जीवन संघर्ष, लेखन यात्राका बारेमा विद्यार्थीहरुले राखेको जिज्ञासा मेटाउने उनले कोशिष गरिन् । त्यस्तै उनले आफ्नो चर्चित उपन्यास ‘ह्यारी पोर्टर’को पहिलो श्रंखलाको केही अंश पढेर पनि सुनाईन् ।

रोलिङ्ग आफ्ना पुराना मित्र बेलायती दूतावासका सुरक्षा अधिकारी कर्नेल ह्यारिसलाई भेट्न नेपाल आएको बताएकी छन्। उनी आफ्नो निजी बिमान चढेर नेपाल आएकी हुन् । उनको यो पहिलो नेपाल भ्रमण हो । आफुलाई नेपाल मन परेको उनले प्रतिक्रिया दिएकी छिन् । ‘सुन्दर देशमा आउन पाउदाँ खुशी लागेको छ’, उनको प्रतिक्रिया यस्तो छ ।

रोलिङको सन् १९६५ मा बेलायतमा जन्म भएको हो । उनलको बाल्यकाल निकै संघर्षपूर्ण बितेको थियो । ह्यारी पोटरको सातौं शृंखलासम्म लेखेकी उनी अहिले भने बेलायतमा धनी महिलाको सूचीमा पर्छिन्। ह्यारी पोर्टर ४० करोडप्रतिभन्दा बढी बिक्री भएको छ। ह्यारी पोर्टर लेखिका रोलिङ्ग आइतबार फर्किने बताइएको छ।