सोझो बाह्रमण केटो बन्दै आर्यन, शुरु भयो ‘सुश्री’ छायाँकन
मज्जाको अनलाईन समाचार, काठमाण्डौं ।
फिल्म ‘सुश्री’ को फागुन २२ गते शुक्रबार बाट छायाँकन सुरु भएको छ । यो फिल्मबाट स्क्रिप्ट राईटर शिवम अधिकारीले निर्देशनमा डेव्यु गरेका छन् । नायक आर्यन सिग्देल र मोडल आशिका तामाङको शिर्ष भूमिका रहेको यो फिल्मको कपनबाट इन्डोर छायाँकन सुरु भएको हो ।
यसै साता निर्माण गर्ने औपचारिक घोषणा गरी फ्लोर पसेको फिल्म ‘सुश्री’ रोमान्टिक लभ कमेडी कथामा आधारित छ । फिल्मको कथामा नायक आर्यन सिग्देल सोझो ब्राम्हन केटा र नव नायिका आशिका तामाङ चुलबुले बिन्दास स्वभाव भएकी युवतीको भूमिकामा प्रस्तुत भएकी छन् । सोझो ब्राम्हन केटासँग एउटी बिन्दास युवतीको बिहे सम्मको यात्रा कसरी तय हुन्छ र यसको मुख्य यात्रा नै फिल्ममा देख्न सकिने निर्देशक शिवम अधिकारीले बताए ।
फिल्म ‘सुश्री’ को एक साता काठमाण्डूमा सकेर बाँकी छायाँकनका लागि हेटौंडामा जाने निर्देशक अधिकारीले जानकारी दिए । झण्डै एक सय फिल्मको स्क्रिप्ट लेखेका शिवमले पहिलो पटक फिल्म निर्देशनमा हात बढाएका हुन् । उनले निर्देशन गर्ने अर्को फिल्म ‘के म तिम्रो होइन र’ को छायाँकन भने नायक जिवन लुईंटेल अमेरिकामा रहँदा पछि सरेको छ ।
फिल्म ‘सुश्री’ मा नव नायिका आशिका तामाङ स्वयम्ले लगानी गरेकी छन् । रामेश्वर कार्कीको छायाँकन रहने फिल्ममा बसन्त सापकोटाको संगीत रहेको छ । फिल्मको छायाँकन एक महिना सम्म सक्ने योजना रहेको बताइएको छ ।
For More videos Log on to Mazzako TV