विल्सन र गीताको माया लाउने, ‘सोइ ढोले सोइ’को भिडियो आउने

मज्जाको अनलाईन समाचार, काठमाण्डौं, फागुन २२– अमेरिकामा रहेर पनि नेपाली गीत–संगीतमा लागिरहेका गायक कुमार राईको गीत ‘सोए ढोले सोए’ को म्युजिक भिडियो आउने भएको छ । भर्खरै छायांकन सकिएको यस गीतको म्युजिक भिडियो आउँदो वैशाख १ गते सार्वजनिक गरिने गायक राईले जानकारी दिए ।

राजधानीको फोर्पिङमा छायांकन गरिएको भिडियोमा चर्चित हास्य अभिनेता विल्सन विक्रम राई र गिता राई फिचरिङ भएका छन् । गीतको शब्द र संगीत पनि गायक राईले स्वयम् दिएका छन् । गीतमा विल्सन र गीतलाई नेपाली पहिरनमा देख्न सकिन्छ । भिडियोलाई धेरै मिहनेत गरेर तयार पारेको र दर्शकको मन जित्ने विश्वास रहेको निर्देशक बरालले जनाए ।