साईकलमा राजेश पायल राई, भन्दैछन् मेरो मुटु काठमाण्डौंलाई

मज्जाको अनलाईन, फागुन १८ गते सोमबार, २०७१, काठमाण्डौं ।

निकै भवभंगीका साथमा गायक राजेश पायल राई भन्दैछन् ‘यो मेरो मुटु काठमाण्डौं’ । चलचित्र ‘साईकल’को भर्खरै सार्वजनिक गरिएको गीतमा स्वयं राजेश पायल राईलाई नै फिचरिङ गरिएको छ । शिव घिमिरेको लेखन तथा निर्देशनमा बनेको फिल्म ‘साइकल’ को यो नयाँ गीत युट्युब मार्फत सार्वजनिक गरिएको हो ।

सार्वजनिक गरिएको यस गीतमा शब्द प्रकाश बज्रचार्य को रहेको छ भने संगीत राजेन्द्र श्रेष्ठको हो । गीतमा बसन्तपुर दरबार स्क्वायरलाई मुख्य लोकेशन बनाइएको छ जहाँ राजेशपायल चिच्याउँदै गीत गाइरहेको अवस्थामा प्रस्तुत भएका छन् । गीतको कोरियोग्राफी कविराज गहतरातले गरेका हुन् । गीतमा नायिका हर्षिका श्रेष्ठलाई पनि छिटपुट देखिन्छ।

चलचित्र ‘साइकल’ प्लस टु पढ्ने विद्यार्थीको मनोविज्ञानमाआधारित रहेको चलचित्र हो । जसमा मौसमी मल्लका छोरा विक्की मल्ल र नायिका हर्षिका श्रेष्ठलाई जोडीको रुपमा देख्न पाईनेछ ।  टप इन्टरटेनमेन्टको ब्यानरमा प्रस्तुत फिल्म ‘साइकल’ लाई राजेन्द्र श्रेष्ठ, रत्न बहादुर श्रेष्ठ, श्रीमाया श्रेष्ठ, सृष्टि थापाले मिलेर बनाएका हुन् ।