नौलो नौलो सबै कुरा, फन्नी चाहना हुदैछ पुरा (भिडियो हेर्नुहोस्)

मज्जाको अनलाईन समाचार, काठमाण्डौं, फागुन १५– निलु डोमा शेर्पा निर्देशित फिल्म ‘हाउ फन्नी’ को प्रेम गीत ‘यो के हो माया जस्तै’ सार्वजनिक भएको छ । पहिलोपटक यो गीत मार्फत नायिका केकी अधिकारी र नायक अनुप बिक्रम जोडीका रुपमा देखिएका छन् ।

सार्वजनिक गीतमा शब्द शान बस्न्यात , संगीत सुरेश अधिकारी तथा स्वर दीपक लिम्बु र मिलन अमात्यको रहेको छ । कालिन्चोक डाडामा हिउ परेको बेलामा खिचिएको यस गीतमा कोरियोग्राफी रेनाशा वान्तवा राईको रहेको छ । समस्या हुदा पनि हिउमा गएर निकै मेहेनत गरेर गीत खिचेको र फिल्मका कास्ट क्रु सबैले राम्रो काम गरेको निर्देशक शेर्पाले बताइन् ।

यो फिल्ममा केकी र अनुप संगै , दयाहांग राई , प्रियंका कार्की , निशा अधीकारी लगायतका कलाकारहरुको अभिनय रहेको छ  । कमेडीसंगै ‘सोसल म्यासेज’ रहेको यस सिनेमालाई शान बस्न्यातले लेखेका हुन् भने छायांकन हरी हुमागाईको रहेको छ ।

फिल्मलाई आङ नुरु शेर्पा, छिरिङ लामु शेर्पा र निमा टासी शेर्पा निर्माण गरेका हुन् । फिल्मको कार्यकारी निर्मात्रीको रुपमा पुर्व मिस नेपाल माल्भिका सुब्बा रहेकी छिन । प्रर्दशन मिति तय भइनसकेको यस फिल्मलाई उपत्यकामा दर्शना आर्ट्स र मोफसलमा एफडी कम्पनीले वितरण गर्नेछ ।

Watch Song Here :-