कप्तान पारस खड्काको विहे आज, स्वयंवरमा झनै हेन्डसम देखिए पारस

मज्जाको अनलाईन समाचार, फागुन १४, २०७१, काठमाण्डौं ।

नेपाली राष्ट्रिय क्रिकेट टोलीका कप्तान पारस खड्काले फागुन १४ अर्थात आज बैवाहिक बन्धनमा बाँधिदैछन् । कप्तान पारस उनी प्रेमिका प्राप्ति राज्यलक्ष्मी राणासँग लगनगाँठो कस्न लागेका हुन् । निकै लामो समयसम्म चलेको प्रेम प्रसंगपछि दुई बर्ष अघि पारस र प्राप्तीको इन्गेजमेन्ट भएको थियो । आज उनै प्राप्ती राज्यलक्ष्मी राणालाई बुद्वनगरस्थित आफ्नो निवासमा पारसले भित्र्याउदैछन् ।

विवाहको एक दिन अघि बुधबार उनी स्वयंवरका लागि होटल सांग्रिला पुगेका थिए । ध्यु रंगको लबेदा सुरुवालमा ठाटिएका पारस कालो चश्मा र लेसवाला लेदर ब्ल्याक सुजमा निकै ह्यान्डसम देखिएका थिए । दाहिने हातको सहिँली अ‍ैलामा इन्गेजमेन्ट रिङ्ग र कानमा हिराको टप लगाएका पासर रेखीमात्रै देखिने हल्का जुंगामा देखिएका थिए ।

मोहनकुमार खड्का र रीता खड्काका छोरा पारसको बिहे स्वं. दीपकबिक्रम राणा र गौरी राज्यलक्ष्मी राणाकी छोरी प्राप्ती राज्यलक्ष्मी राणासँग आज धुमधामसँग हुन लागेको छ । काठमाण्डौं बासिन्दा पारस र प्राप्ती दुबैको उमेर २७ बर्ष हो ।

कप्तान पारस खड्काले आफ्नो कप्तानीमा नेपाली क्रिकेटलाई डिभिजन वानमा पु¥याएका छन् । उनको कप्तानीमा नेपाल आइसिसी टी–२० विश्वकपमा समेत सहभागीता जनाएको थियो । पारसले नेपाललाई आईसिसी डिभिजन २ मा टिकाईराखेका छन् ।

वैवाहिक बन्धनमा बाँधिन लागेका कप्तान खड्कालाई मज्जाको अनलाईन परिवारको तर्फबाट सफल दाम्पत्य जीवनको हार्दिक शुभकामना ।

तस्वीर– अंगद ढकाल पहिलो पोष्ट डट कम