शिवको जोडदार मुक्का, अबभने भ्रष्ट मन्त्री पक्का

मज्जाको अनलाईन समाचार, फागुन १३ गते बुधबार, २०७१, काठमाण्डौं ।

नेपाली सिने नगरीमा जोडदार एक्सन गर्ने मुक्केबाज नायक भनेर चिनिने शिव श्रेष्ठ पहिलो पटक चलचित्रमा नकारात्मक भुमिकामा देखा पर्न लागेका छन् । चलचित्रको नाम ‘एक्सन’ राखिएको छ । चलचित्रमा मुक्केवाज अभिनेता शिव श्रेष्ठलाई भ्रष्ट मन्त्रीको भूमिकामा देख्न पाईने भएको छ । चलचित्रको निर्देशन राजु अर्यालले गरिरहेका छन् ।

चिरायु फिल्मस्को ब्यानरमा दीपेन्द्र कोइराला र शर्मिला गुरुङले निर्मिण गरिरहेको सिनेमा ‘एक्सन’ मा अभिनेता श्रेष्ठ लामो समयपछि एक्सन कट्मा फर्किएका हुन् । चलचित्र विकास वोर्डको आगामी अध्यक्ष पदका लागि पनि शिव श्रेष्ठले दौडधुप गरिरहेको भन्ने बुझ्नमा आएको छ ।

फिल्म ‘एक्सन’ मा नायक शिव श्रेष्ठका अलावा दीपेन्द्र कोइराला, प्रमोद दीप, जेनिशा केसी, राहुल जेट्ली, रक्षा गुरागाईं, राज थपलिया लगायत कलाकारहरुको अभिनय हेर्न पाईनेछ । सिनेमालाई रवीन्द्र बरालले खिच्दैछन् ।