सञ्चारकर्मी श्याम अर्यालले फिल्म निर्माण गर्ने

मज्जाको अनलाईन समाचार, माघ १८ गते, आईतबार

सञ्चारकर्मी श्याम अर्यालले फिल्म ‘प्रोड्युसर’ मा नायकको भूमिका निभाएका थिए । यी भिजेले ‘द् युगदखि युगसम्म’ र ‘आइएम सरी’ मा महत्वपूर्ण भूमिका निभाएका छन् । सञ्चारकर्मी एवं नायक श्याम अर्यालले फिल्म पनि निर्माण गर्ने भएका छन् । श्यामको मिजल पिक्चर प्रोडक्सनले देश तथा विदेशमा नेपाली फिल्मको वितरण गर्ने योजना पनि सार्वजनिक गरेका छन् ।

श्यामले निर्माण गर्ने एउटा फिल्मलाई अनुप गिरीले निर्देशन गर्ने सम्झौता भएको छ । गिरीको निर्देशन रहने फिल्म सामाजिक कथावस्तुमा आधारित हुनेछ । यो फिल्ममा रतन थापा प्रस्तुतकर्ताको रुपमा रहनेछन् निर्माता अर्यालको यो फिल्ममा अभिनय रहने छैन । यद्पी कथाले मागे आफु अभिनय गर्न तयार रहेको उनले बताए ।
श्यामले निर्माण गर्ने पहिलो फिल्मको छायाँकन चैतबाट सुरु हुनेछ । मिजल पिक्चर प्रोडक्सनबाट निर्माण हुने अर्को फिल्मको भने अहिले नै पूर्ण तयारी भैसकेको छैन ।

यसका साथै श्यामको मिजल पिक्चर्सले गल्फ मुलुकमा फिल्म पनि बितरण गर्नेछ । गल्फ मुलुकमा उनको कम्पीले ‘कोहिनुर’, ‘नोभेम्बर रेन’ र ‘स्टुपिड मन’ बितरण गर्नेछ । गल्फ मुलुकको वितरणसँगै मिजल पिक्चर्सले नेपालमा पनि नियमित रुपमा फिल्म वितरण गर्ने श्यामले सुनाए । श्यामकै कम्पनीले फिल्म ‘कोहिनुर’ लाई फेब्रुअरी १३ तारिखमा दुबईमा प्रदर्शन गर्दैछ । दुबईमा फिल्म छायाँकनको लागि पनि सहज वातावरण बनाउन प्रक्रिया सुरु गर्ने ‘प्रोड्युसर’ नायकले बताए । दुबईसंगै जापान, अष्ट्रेलिया, कतार, हङकङ लगायतका देशमा फिल्म प्रदर्शन गर्न मिजल पिक्चर्सले प्रक्रिया सुरु गर्नेछ ।