एसएसपी रमेश खरेल अब म्युजिक भिडियोमा
मज्जाको अनलाईन समाचार, माघ २ गते ।
‘यो देशको लागि म जन्म लिएको हुँ
मसँग कसैले युद्धको अब कुरै नगर्नु
रात दिन मलाई चिन्ता यही देशको लाग्छ
केही नगरि म मरे भने पिरले मन पाक्छ’
प्रस्तुत शब्दहरुमा संगीत भरेर बनाईएको गीतमा नेपाल प्रहरीका एसएसपी रमेश खरेलले अभिनय गरेका छन् । देशभक्तिपुर्ण शब्दहरु भएको यस गीतको भर्खरै म्युजिक भिडियो छायांकन गरिएको हो । पहिलोपटक एसएसपी खरेल भिडियोमा देखा पर्न लागेका हुन् ।
भिडियोको निर्देशन दीपक खाँडले गरेका हुन् । निर्देशक खाँडले खरेललाई गीतको बोल सुनाउने बित्तिकै उनी भिडियोमा अभिनय गर्न तयार भएको निर्देशकले बताएका छन् । अन्य व्यावशायिक कलाकारभन्दा रमेश खरेललाई अभिनय गराउँन निकै सजिलो भएको पनि निर्देशक खाँडको भनाई छ ।
चितवन जिल्लामा छायांकन गरीएको उक्त भिडियोमा अनु शाह र गायक भूवन प्यासीको पनि अभिनय छ ।
