सबैको सामु पुजालाई सुर्दशनको चुम्बन, सामिप्यता बढ्दैछ अझै पनि झन झन

मज्जाको अनलाईन समाचार, १५ गते मंगलबार, काठमाण्डौं

प्रसंग हो चलचित्र चलचित्र ‘अझै पनि’को फष्टलुक पोष्टर र ट्रेलर रिलिजको, जहाँ चलचित्रका नायक सुर्दशन थापाले नायिका पुजा शर्मालाई सबैको सामु ‘आई लभ यु’ भने अनि उनको हात चुमे । माहोल निकै रोमान्टिक भयो । डायलगबाजी पनि भयो अनि हिरोईनको मस्कामस्की  । रिलदेखि रियल लाईफ सम्म सबैको सामु रोमान्स गर्न भ्यायो यो जोडीले । रमाईलो यो दृश्यमा उपस्थित सबैले तालीले साथ दिए ।

मंगलबार राजधानीमा चलचित्रको फष्टलुक पोष्टर र ट्रेलर रिलिज गर्न आयोजना गरिउको कार्यक्रममा चलचित्रको बारेमा जानकारी मात्रै गराईएन कि चलचित्र ‘अझै पनि’ स्वं. निर्देशक आलोक नेम्वाङ्गको अन्तिम चलचित्र भएकाले पनि अरु निर्माताहरुलाई चलचित्र नजुधाईदिन आग्रह गरियो ।

दर्शकका लागी ‘अझै पनि’ विषेश चलचित्र बताउदै चलचित्रकी निर्मात्री पुनम गौतमले भनिन् ‘अहिलेको आधुनिक युगमा नेपाली महिलाहरुले सिन्दर पोते लगाउन विर्सिसकेको छन् तर चलचित्रको माध्यमबाट एउटी महिलाको लागी सिन्दुर पोतेको महत्व कस्तो हुन्छ भन्ने कुरा चलचित्रमा देखाउन खोजिएको छ’ । चलचित्रका निर्देशक स्वं. नेम्वाङ्गको सम्झनामा गहभरी आँसु पार्दै निर्मात्री गौतमले सबैलाई चलचित्र हेरिदिन आग्रह समेत गरिन् ।

त्यस्तै नायक तथा निर्माता सुदर्शन थापाले चलचित्र ‘अझै पनि’ आम दर्शकको लागी बहुप्रतिक्षित चलचित्र बनेको बताए । तर, आफ्नो चलचित्रसँग अर्को एक चलचित्र जुध्न आएकोप्रति भने उनले दु:ख ब्यक्त गरे । फागुन १५ गतेबाट प्रर्दशनमा आउन लागेको चलचित्र ‘अझै पनि’मा सुदर्शन थापा, पुजा शर्मा, सुरक्षा पन्त, मिथिला शर्मा, विजय लामा, विशाल ढुंगाना, पुष्प खड्का, रामेश्वर पाठक लगायत कलाकारहरुको अभिनय गरेका छन् ।

चलचित्र ‘अझै पनि’ लाई  चलचित्र पत्रकार संघका अध्यक्ष शान्ति प्रिय, चलचित्र निर्माता संघका अध्यक्ष राजकुमार राई, चलचित्र विकाश बोर्ड सदस्य सुरेशदर्पण पोखरेल, निर्माता प्रदिप उदय लगायतले सफल्ताको शुभकामना दिए ।

Watch Trailer here