माघ दुईको कुरा, इच्छा हुन्छ पुरा

मज्जाको अनलाईन समाचार, काठमाण्डौ, पुष ३ गते, विहिबार

राम्रो पारिवारिक चलचित्र हेर्ने इच्छा छ ? छ भने त्यो पुरा हुनेछ, माघ २ मा । ‘आफ्नो मान्छे आफ्नै हुन्छ’, ‘श्रीमान श्रीमती’ लगायतका फिल्म निर्माण गरेका निर्माता तथा कलाकार मुनाल घिमिरेले निर्देशन गरेको चलचित्र ‘इच्छा’ माघ २ बाटै प्रर्दशनमा आउदैछ । यसअघि उनले बनाएका चलचित्रहरु र इच्छाको ट्रेलर हेर्दा पनि यो भन्न सकिन्छ कि उनले यसपाली पनि चलचित्र राम्रो बनाएका छन् । चलचित्रको बारेमा उनको भनाई पनि गज्जबकै छ, फरक पुस्ताको फरक सोचाईलाई चलचित्रमा मुख्य बिषयबस्तु बनाएका छन रे उनले ।

चलचित्रमा ‘विवाह करकापमा होईन स्वेच्छामा हुनुपर्छ’ भन्ने कुरा मुख्य रुपमा देखाउन खोजिएको छ । कमेडी लभ स्टोरी चलचित्र इच्छामा दयाहाङ्ग राई, सुवास थापा, दिपशिखा शाही, ओम प्रतिक, देशभक्त खनाल, श्याम राई, आकाश पल, आयुष्मा कार्की, रश्मी भट्ट लगायत कलाकारहरुले अभिनय गरेका छन् ।

चलचित्रमा गम्भिर बिष्टको नृत्य, रोशन श्रेष्ठको द्वन्द, प्रकास घिमिरेको लेखन रहेको यस चलचित्रमा रोम ओली, नविन श्रेष्ठ, प्रकास घिमिरे र लक्ष्मण पौडेलको लगानी रहेको छ । चलचित्रको सुटिङ्ग दाङ्ग, भैरहवा, काठमाण्डौं र धुलिखेलमा गरिएको हो ।

लौ हेरौं, चलचित्र इच्छाको ट्रेलर