आलोक नेम्वाङको सम्मानमा ‘पुनर्जन्म’ को रिलिज मिती सारियो

मज्जाको अनलाईन समाचार, काठमाण्डौं, मंसिर २३–

फागुन १५ लाई रिलिज मिति तय गरेको फिल्म ‘पुर्नजन्म’ ले आफ्नो प्रदशर्न मिती सारेर फागुन २२ मा पु¥याएको छ ।

फागुन १५ मा स्वर्र्गीय निर्देशक आलोक नेम्वाङद्वारा निर्देशित अन्तिम फिल्म ‘अझै पनि’ प्रदर्शन हुने भएपछि नेम्वाङको सम्मानमा रिलिज मिती सारिएको हो । ‘हामीले यस क्षेत्रमा लागेर पाउने भनेकै सम्मान हो र त्यसका लागि कन्जुस्याइँ गर्न हुन्न’, निर्माता मोहनकृष्ण श्रेष्ठले भने– ‘हामी आलोकजीलाई सम्मान गर्दै आफ्नो फिल्मलाई उहाको फिल्मसंग नजुधाउने निर्णयका साथ फागुन २२ मा पुगेका हौँ ।’ साथै निर्माता श्रेष्ठले अन्य निर्मातालाइ पनि नेम्वाङप्रति श्रद्धान्जली स्वरुप सो मितिमा फिल्म नजुधाउन आग्रह गरे ।

सत्य घटनामा आधारित भनिएको फिल्म ‘पुर्नजन्म’ ले मनोरञ्जनसंगै अहिलेको पुस्तालाई नेपाली राजनैतिक इतिहासको प्रसंग र पुराना संस्कृतिको बारेमा समेत जानकारी गराउने निर्माण पक्षले जनाएको छ । फिल्ममा मोहन कृष्ण श्रेष्ठसंगै भद्र बहादुर शाहीको पनि लगानी रहेको छ । एम।के। इन्टरटेनमेन्ट प्रा।लि।को व्यानरमा निर्मित यस फिल्मलाइ निर्देशनसंगै सम्पादन पनि स्वयम् निर्देशक सजन श्रेष्ठले नै गरेका छन् ।

आर्यन सिग्देल , केकी अधिकारी , गजित बिष्ट , सुस्मिता शाही , मिथिला शर्मा , विजय लामा , लाल्क्ष्मी गिरि , रश्मी भट्ट , देशभक्त खनाल , रुश्मा श्रेष्ठ लगायतको अभिनय रहेको यस फिल्मलाई सुदर्शन श्रेष्ठले लेखेका हुन् । शिव ढकाल र नवरा कृष्ण थापाले संयुक्त रुपमा खिचेको यस फिल्ममा द्वन्द अष्ट महर्जनको रहेको छ भने यसलाई रोहितरत्नले वितरण गर्नेछन ।