यस्तो छ ‘चकलेट’ को पहिलो मुहार, ल्याउँला त पुजनाको करिअरमा बहार ?

मज्जाको अनलाईन समाचार, काठमाण्डौँ, मंसिर २२–

निर्माता तथा चर्चित हास्य टेलिश्रृंखला ‘तितो सत्य’ का कलाकार निर्मल शर्मा ‘गैँडा’ को डेब्यु निर्देशनमा बनिरहेको फिल्म ‘चकलेट’ को पहिलो मुहार सार्वजनिक गरिएको छ ।

सडक बालबालिकाको कथालाई उठाएको फिल्म ‘चकलेट’ पूजना स्त्रीको प्रस्तुतीमा खुशी गुरुङ, प्रितीमाया गुरुङ र केशव तामाङले संयुक्त रूपमा निर्माण गरेका हुन् । फिल्ममा पुजना स्त्री, आयुष्मान घिमिरे, नम्रता झा, अनुज शाक्य ,केशव भट्टराई,सुमन गैरे लगायत आधा दर्जनभन्दा बढि बालबालिकाको अभिनय देख्न सकिन्छ ।

फिल्मको कथा स्वयं चलचित्रकी निमात्री तथा नायिका पुजना स्स्त्रीले लेखेकी हुन् ।दुई बर्ष लगाएर चलचित्रको स्क्रिप्ट लेखिएको यस फिल्मको सुटिङ्ग हुनु अघि एक महिने वर्कसप समेत गरिएको थियो । चलचित्रमा अर्जुन पोखरेल, शिखर सन्तोष, रायन कार्कीको संगीत, प्रसन्न पौडेल र बब्बु थापाको नृत्य रहेको छ ।

फिल्मको सम्पादन समेत अन्तिम चरणमा पुगेको बताइएको छ । चलचित्रको केही समय पछि प्रदर्शन मिती तय गरिने छ ।