ओमबिक्रम बिष्टका दुई नयाँ गीत रिलिज

शारीरिक आश्वस्थताका कारण गीत गायनमा सक्रिय हुन नसकेका गायक ओमबिक्रम बिष्टले धेरै वर्षको अन्तरालमा दुई नयाँ गीत रिलिज गरेका छन्। ओमका ‘यो जुनी त यस्तै भो’ र ‘बगैचा भरि’ गरी दुई गीत रिलिज भएका छन्। शुक्रबार राजधानीमा एक कार्यक्रमको आयोजना गर्दै दुई गीतका म्युजिक भिडियो समेत सार्वजनिक गरियो।

गायक दिप श्रेष्ठको प्रमुख अतिथ्यतामा सम्पन्न कार्यक्रममा गायक ओमबिक्रम बिष्ट ,संगीतकार प्रकाश गुरुङ ,गायकहरु योगेश्वोर अमात्य ,जेम्स प्रधान ,द्वन्द निर्देशक राजेन्द्र खड्गी ,निर्देशक सुब्रत आचार्य लगायतको उपस्थिति रहेको थियो।

साथै दुवै गीतका रचनाकार राजेश गुरुङ [रहर ]का नजिकका आफन्त एवं पारिवारिक सदस्यहरुको समेत बाक्लो उपस्थिति रहेको थियो। सार्वजनिक दुवै भिडियोलाई सोनाम पाख्रिनले निर्देशन गरेका हुन्।

गीत यो जुनी त यस्तै भोमा शब्द /संगीत राजेश गुरुङ [रहर ]को रहेको छ भने बगैचा भरिमा संगीत गायक ओमबिक्रम बिष्टले दिएका छन्, शब्द रचना भने राजेश गुरुङ [रहर ]को रहेको छ। दुवै गीतका भिडियोहरु भावसागर इन्टरटेन्मेन्ट युटुब च्यानल मार्फत रिलिज भएका छन्।