झरना थापाको निर्देशनमा निर्माण भएको फिल्म ‘ एक भगवत् गीता’ को टिजर सार्वजनिक गरिएको छ । आगामी भाद्र २९ गतेबाट प्रदर्शनको तयारीमा रहेको फिल्मको एक मिनेट ३२ सेकेन्ड लामो टिजर धिरज मगर सुहाना थापा र बिपिन कार्कीलाई प्रमुख स्थान दिईएको छ । बिपिन कार्की फरक रुपमा देखिएका छन् ।

विपिन कार्की, धिरज मगर, सुहाना थापा, कबिर खड्का, सन्जोग रसाइली, अनुराग कुँवर, जेभिस र जेभिन श्रेष्ठको मुख्य भूमिका रहेको फिल्मको छायांकन जनकपुरधाम, काठमाडौं र मनाङमा गरिएको छ । प्रेमकथामा आधारित फिल्ममा धिरज र सुहानाको जोडी बाँधिएको छ ।

सुहाना इन्टरटेनमेन्टको प्रस्तुति र सुनिल कुमार थापा प्रोडक्सनको व्यानरमा निर्माण भएको फिल्ममा सुनिल कुमार थापाको लगानी रहेको छ । संजय लामाले खिचेको चलचित्रमा प्रवेश मल्लिकको ब्याकग्राउन्ड स्कोर, रामजी लामिछानेको कोरियोग्राफी, काव्या थापाको शृंगार र मित्र डि गुरुङको सम्पादन रहेको छ ।

For More videos Log on to Mazzako TV