रेखाको ‘उपहार’ कस्तो ?
अन्तत अभिनेत्री रेखा थापाले निर्माण गर्ने नयाँ फिल्मको नाम फाइनल गरिएको छ । सोमबार निर्देशक ज्ञानेन्द्र देउजा तथा अभिनेत्री थापाले सामाजिक सञ्जालमा फिल्मको नाम सार्वजनिक गरेका हुन् ।
सार्वजनिक पोस्टरमा रेखा थापाको ‘उपहार‘ द जर्नी अफ् लाइफ’ उल्लेख गरिएको छ । फिल्म उपहारले समसामयिक विषयलाई प्रस्तुत गर्ने निर्देशक देउजाको भनाई छ । निर्देशक ज्ञानेन्द्र देउजा फिल्मको स्क्रिप्टलाई फाइनल रुप दिइरहेको बुझिएको छ ।
‘उपहार’मा रेखा थापा र पूजा शर्मा पक्का भएका छन् । अर्की नायिका सम्भवतः यसै साता अनुबन्धित हुनेछिन् । फिल्ममा अर्जुन पोखरेल र बबुल गिरीले संगीत सृजना गरेका छन् । साउनको दोश्रो साताबाट ‘उपहार’ को छायाँकन सुरु गर्ने रेखा फिल्मस्को तयारी छ ।
