नायिका सुमी मोक्तानले प्रेमी विवेकसंग गरिन् विवाह

नायिका सुमी मोक्तानले विवाह गरेकी छन् । प्रेमी विवेक रावलसङ्ग काठमाडौं सोल्टी होटलमा उनको धुमधाम सङ्ग विवाह भएको हो । केही महिना अघि मात्रै उनले मोरिसस पुगेर प्रेमी विवेक रावलसँग इङ्गेजमेन्ट गरेकी थिइन् । करिब ४ वर्ष एकअर्कासङ्ग प्रेम सम्बन्धमा बसेपछी विवाह गरेको जानकारी सुमिले गराएकी छन् ।

उनी र उनका प्रेम बिच अन्तरजातीय विवाह भएको हो । उनका प्रेमी हिन्दु धर्मावलम्बी हुन् भने नायिका मोक्तान बुद्धिस्ट हुन् र उनिहरुले आज दुवै परम्परा अनुसार विवाह गरेका हुन्।

विवेक रालवल पेशाले व्यवसायी हुन् भने सुमी मिस तामाङकी विजेता पनि हुन् । सुमीले ‘सरौतो’ र ‘झ्यानाकुटी’ चलचित्रमा अभिनय गरेकी छन् भने ‘टल्क्यो जवानी’, ‘डम्फुमा सेलो’ लगायत गीतमा अभिनय गरेकी छन् । सुमि डान्सिङ विथ द स्टार्सकी विजेता समेत हुन् ।

अभिनयसँगै सुमीले कफी व्यवसायमा समेत हात हालेकी छन् । एभरेस्ट कफीको सिस्टर कम्पनीको रुपमा रहेको ‘एसएम कफी’ नामक कम्पनी मार्फत उनले नेपालमा उत्पादित अर्गानिक कफी विदेशमा निर्यात गर्ने गरेकी छन् । सुमीका श्रीमान् भने व्यवसायी हुन् । ७.५ मेगावाट क्षमताको भुजुङ्ग हाइड्रोको प्रोमोटर तथा डिरेक्टर रहेका विवेकले अन्य क्षेत्रमा पनि ठूलो लगानी गरेका छन् ।