फिल्म ‘जय हो’ निर्माण हुने, नायकमा सलोन

फिल्म ‘जय हो’ निर्माण घोषणा गरिएको छ । आगामी माघबाट छायांकनको तयारीमा रहेको फिल्म तिहारको अवसर पारेर निर्माण घोषणा गरिएको हो ।

सलोन सलिना फिल्म्सको व्यानरमा निर्माण हुने फिल्मको प्रस्ततुकर्तामा शोभित बस्नेत रहने छन् । निर्माण टिमका अनुसार फिल्ममा सलोन बस्नेत फाइनल भएका छ्न, भने एक अभिनेता र अभिनेत्री पनि रहने छन् । निर्माण टिमका अनुसार फिल्ममा नाम चलेका कलाकार नै साइन गर्ने तयारी भैरहेको छ ।

हालसम्म फिल्मको निर्देशक पनि फाइनल गरिएको छैन् । सुरेश न्यौपानेले कथा लेखिरहेका छन् । फिल्ममा निर्देशक फाइनल हुन बाँकी छन् । फिल्मलाई राज के अधिकारी र सुरज सरकारले निर्माण गर्ने छन् ।

उनीहरु अष्ट्रेलियाको ‘जय हो’ बिजनेश ग्रुप र सनराइज ग्रुप अष्ट्रेलिया रकडेलका सञ्चालक हुन् । एक्सन लभस्टोरी कथामा निर्माण हुने फिल्मको एक गीतमा शम्भुजित बास्कोटाको संगीत रहनेछ । अन्य गीतमा संगीतकार फाइनल हुन बाकी रहेको छ । काठमाडौं, पोखरा र मुस्ताङमा छायंकन गरिनेछ । नेपालको छायांकन सकिएपछि फिल्मको केही प्रतिशत छायांकन अष्ट्रेलियामा पनि गरिनेछ ।