‘प्रेमगीत ३’ का नेपाली र हिन्दी भाषाका दुई नयाँ गीत सार्वजनिक

नेपाल र भारतमा एकसाथ असोज ७ गते प्रदर्शन हुने फिल्म ‘प्रेमगीत ३’ का नेपाली र हिन्दी भाषाका दुई नयाँ गीत सार्वजनिक भएका छन् । नेपाली भाषाको ‘हर युग होस्’ र हिन्दी संस्करणको ‘तुम प्यार हो’ बोलको रोमान्टिक गीत सार्वजनिक भएको हुन् ।

हिन्दीमा पलक मुछाल र अंकित तिवारीको स्वर सुन्न सकिन्छ भने शब्द रचना कुमार र असलम केयीको संगीत रहेको छ । नेपाली संस्करणको ‘हर युग हास्’ बोलको गीतमा गायक सुगम पोखरेल र अञ्जु पन्तले स्वर दिएका छन् । गीतमा राजेश श्रेष्ठको शब्द र एलिश कार्कीको संगीत सुन्न सकिन्छ ।

दुवै भाषाका गीतको भिडियो एउटै रहेको छ । यस गीतको भिडियोमा प्रदीप खड्का र क्रिस्टिना गुरुङलाई अभिनय गराइएको छ । नेपालै मनाङ जिल्ला आसपासमा छायांकन गरिएको चिसोयामको दृश्यमा हिमाली ल्यान्डस्केप मनोहर देखिन्छ ।यस फिल्मलाई सन्तोष सेन र छेतेन गुरुङले निर्देशन गरेका हुन् । निर्माण पनि सन्तोषले नै गरेको फिल्मका यस अघिका गीतले चर्चा कमाइसकेका छन् ।