भाद्र १७ बाट प्रदर्शन हुने फिल्म ‘सम्हालिन्छ कहिले मन’ को दोस्रो गीत सार्वजनिक भएको छ । सोमबार फिल्मको ‘हराएँ हराएँ तिमीभित्रै हराएँ ’ बोलको गीत सार्वजनिक भएको हो । भिडियोमा नायिका पुजा शर्मा र नायक आकाश श्रेष्ठ प्रस्तुत छन् । यो गीतको सुटिङ स्कटल्यान्ड र इङल्यान्डमा गरिएको छ । ‘सम्हालिन्छ कहिले मन’ का निर्देशक सुदर्शन थापा हुन् ।

कविराज गहतराजले कोरियोग्राफी गरेको भिडियोलाई सौरभ लामाले खिचेका हुन् । आनन्द अधिकारीको शब्द रहेको गीतलाई तारा प्रकाश लिम्बुले संगी भरेका हुन् । गायनमा भने तारा प्रकाश लिम्बुलाई अनु चौधरीले साथ दिएकी छिन् ।

महेश दवाडीको लेखन रहेको फिल्ममा पूजा र आकाशका अलावा डेब्यु अभिनेता सोनम तोप्देन, सरोज खनाल, धिरेन शाक्य, गौरी मल्ल लगायतका कलाकारहरुको अभिनय छ ।

एबी इन्टरनेशनलसंग भिक्टर सिनेमा लिमिटेडले निर्माण सहकार्य गरेको सिनेमामा अर्जुन पोखरेल÷ताराप्रकाश लिम्बु÷जेम्स प्रधानको संगीत र अर्जुन जिसीको सम्पादन छ ।

फिल्मलाई अमित बस्नेत, अजित केआर थापा र परी रानाले निर्माण गरेका हुन् ।

For More videos Log on to Mazzako TV