निर्माता सुशिल पोखरेलको विकास बोर्ड अध्यक्षमा आवेदन

निर्माता सुशिल पोखरेलले पनि चलचित्र विकास बोर्डको अध्यक्षको लागि आवेदन दिएका छन् । उनले शुक्रबार सञ्चार तथा सुचना प्रविधि मन्त्रालय पुगेर बोर्ड अध्यक्षमा आवेदन दिएका हुन् । यसअधि निर्देशक सम्झना उप्रेती रौनियार र अरुण प्रधानले बोर्ड अध्यक्षमा आवेदन दर्ता गरेका थिए ।

सुशिल हाल चलचित्र निर्माता संघका कोषाध्यक्षका साथै काठमाडौं बाहिर सिनेमा वितरक कम्पनि एफडिका प्रबन्ध निर्देशक पनि हुन् । थुप्रै सफल सिनेमा निर्माण गरेका सुशिल आफु बोर्ड अध्यक्षको लागि सवैभन्दा योग्य उम्मेदवार रहेको बताउँछन् । सरकारले आफुलाई पत्याएर बोर्ड अध्यक्ष बनाएको खण्डमा आफुले नेपाली सिनेमामा देखिने गरि विकास गर्ने दाबी गर्छन् ।

यसअघि धेरै जना बोर्ड अध्यक्ष बन्नु भएको छ । उहाँहरुले राम्रो काम पनि गर्नु भएको छ । तर त्योे मात्र नेपाली सिनेमाका लागि पर्याप्त नभएको उनको बुझाई छ । यसैपनि आफुने बोर्ड अध्यक्षको लागि आवेदन दिएको पोखरेल बताउँछन् ।