साहरुखले यसकारण पाएनन् ‘नेशनल अवार्ड’

बलिउड अभिनेता साहरुख खानले आफ्नो फिल्मी करिअरमा २ सय भन्दा बढी अवार्ड जितेका छन् । तर, साहरुखले यति धेरै अवार्ड जित्दा पनि, ‘नेशनल अवार्ड’ भने पाउन सकेका छैनन् ।

साहरुख पछि आएका थुप्रै कलाकारले यो अवार्ड जितिसक्दा पनि उनलाई नेशनल अवार्ड मिलेको छैन । आखिर, हरेक किसिमको भूमिकाबाट दर्शकको मनमा बस्न सफल बलिउडका वादशाहलाई किन मिलेन राष्ट्रिय अवार्ड ?

यो बिषयमा साहरुखको आफ्नै तर्क छ । साहरुखका अनुसार, उनी यसका लागि लायक नै छैनन् । साहरुखले भने-‘मैले आजसम्म त्यस्तो कुनै पनि भूमिका गरेको छैन, जसले मलाई यो पुरस्कार दिलाओस् ।’

साहरुखले आजसम्म आफूले पाएका अवार्डहरु ठूलो धनराशी भन्दा पनि महत्वपूर्ण भएको बताए ।