सलमान र साहरुख एकसाथ पर्दामा

अभिनेता साहरुख खान र सलमान खान लामो समयको दुश्मनीपछि अहिले मिल्ने साथी बनेका छन् । साहरुख र सलमान एकसाथ विभिन्न कार्यक्रममा देखिन पनि थालेका छन् ।

तर, साहरुख र सलमानका फ्यानका लागि एउटा खुशीको खबर सार्वजनिक भएको छ । सलमान खान अहिले फिल्म ‘ट्यूबलाइट’को छायांकनमा व्यस्त छन् । मिडियाको रिपोर्ट अनुसार यो फिल्ममा साहरुख खान पनि देखिदैछन् । खबर अनुसार, फिल्ममा साहरुख खानले केमियो भूमिका निर्वाह गर्न लागेका छन् ।

निर्देशक कविर खान २ अभिनेतालाई एकसाथ पर्दामा ल्याएर फिल्मलाई अझ चर्चामा ल्याउन चाहन्छन् । यो फिल्ममा साहरुखको कति लामो केमियो हुने भन्ने कुनै खबर सार्वजनिक गरिएको छैन । तर, केमियो नै सहि, साहरुख र सलमान एकसाथ फिल्ममा देखापरे भने आउँदो बर्षको इदमा बक्स अफिस रेकर्ड तोडिने पक्का छ ।