जान्नुहोस् २ दिनमा कति कमायो रणवीरको ‘ए दिल हे मुश्किल’ले ?

शुक्रबारबाट बक्स अफिसमा आफ्नो प्रभाव छाडेको फिल्म ‘ए दिल हे मुश्किल’ले बक्स अफिसमा पनि राम्रो व्यापार गरिरहेको छ । करण जोहर निर्देशित यो चलचित्र तिहारको बिदाको मौका छोप्दै रिलिजमा आएको थियो ।

शुक्रबार १३.३० करोडको कमाई गरेको यो फिल्मले शनिबार पनि उस्तै व्यापार गर्‍यो । शनिबार चलचित्रको व्यापार १३.१० करोड छ ।

आजबाट तिहारको बिदा सुरु भएकाले पनि फिल्मको व्यापार बढ्ने विश्लेषकहरुले बताएका छन् । अजय देवगण अभिनित फिल्म ‘शिवाय’सँग जुध्नु परेकाले पनि यो फिल्मको ओपनिङ केहि कम छ । तर, ‘शिवाय’ले पहिलो दिन १०.२५ करोडको व्यापार गरेको छ । दोश्रो दिन फिल्मको व्यापार पहिलो दिनको भन्दा केहि कम छ ।

रणवीर कपुर, ऐश्वर्या राय, अनुष्का शर्मा लगायतका कलाकारको अभिनय रहेको फिल्म ‘ए दिल हे मुश्किल’ प्रेम, विछोड र रोमान्समा आधारित छ ।