रीयलमा पनि आलियाका गुरु साहरुख

नोभेम्बर २५ मा अभिनेता साहरुख खान र अभिनेत्री आलिया भट्ट अभिनित फिल्म ‘डीयर जिन्दगी’ प्रदर्शन हुँदैछ । फिल्मको घोषणा हुँदा साहरुख र आलियाको जोडी नसुहाउने चर्चा भयो ।

तर, जब फिल्मको पहिलो टिजर रिलिज भयो, सबै अचम्ममा परे । फिल्ममा साहरुख आलियाको लभ गुरु बनेका छन् । उनले आलियालाई जीन्दगीको बारेमा धेरै कुरा सिकाएका छन् । यो फिल्ममा आलिया ४ जना यूवाको प्रेममा पर्छिन् ।

रील लाइफमा आलियाको गुरु बनेका साहरुख रीयल लाइफमा पनि उनलाई धेरै कुरा सिकाउथ्य । आलियाले साहरुखले आफूलाई फिल्ममा काम गर्ने तरिका, जीवनको बारेमा धेरै कुरा सिकाएको बताएकी छिन् ।

आलियालाई साहरुखले संवाद बोल्दा प्रभाव पार्ने गरि बोल्न भन्ने गर्थे । साहरुखको लाइफ स्टाइलबाट आलिया प्रभावित छिन् ।

गौरी सिन्धेले निर्देशन गरेको यो फिल्मलाई गौरी खान, करण जोहर र सिन्धेले मिलेर बनाएका हुन् ।