फिट रहँदा विपाशालाई अमेरिकाबाट निम्ता

बलिउडमा अधिकांश अभिनेत्री फिट नै छन् । पर्दामा आकर्षक देखिन उनीहरु फिट रहने गरेका छन् । तर, अभिनेत्री विपाशा वासु भने आफ्नो हेल्थका लागि पनि फिट रहने गरेकी छिन् ।

विपाशाले योगाको डीभीडी पनि सार्वजनिक गरिसकेकी छिन् । यहि फिट राजका कारण विपाशालाई अमेरिकाको एक विश्वविद्यालयमा लेक्चर दिनका लागि निमन्त्रणा गरिएको छ ।

अमेरिकाको लस एन्जल्समा फिटनेशको बिषयमा लेक्चर दिन उनलाई निमन्त्रणा गरिएको हो । लस एन्जल्सको एक यूनिभर्सिटी, जहाँ हेल्थको बिषयमा अध्ययन गराइन्छ, सो कलेजबाट उनलाई लेक्चरका लागि निमन्त्रणा आएको छ ।

हेल्दी लाइफ र रेगुलर एक्सरसाइजका बिषयमा आफूलाई लेक्चर दिन बोलाइएको विपाशाले मिडियासँग भनेकी छिन् । विपाशा जनवरी महिनामा अमेरिका जानेछिन् ।