हिटलर र आमिरबाट पाठ सिक्दै रणवीर

बलिउड अभिनेता रणवीर सिंह अभिनयमा नयाँ-नयाँ खुड्किलो पार गर्दैछन् । रणवीरले अभिनयकै आधारमा भारतका चर्चित अवार्ड पनि जितिसकेका छन् । यसैले, रणवीरको करिअर अहिले चुचुरोमा पुगेको टिप्पणी हुने गरेको छ । ‘रामलिला, बाजिराओ मस्तानी’ लगायतका फिल्मबाट उनको अभिनय दर्शकमाझ नोटिस भैसकेको छ ।

अब, रणवीर निर्देशक संजय लिला भन्सालीकै नयाँ फिल्म ‘पद्मावती’मा डार्क रोल गर्दैछन् । यो रोलका लागि संजयले रणवीरलाई विभिन्न पात्रका बारेमा लेखिएका पुस्तक अध्ययन गर्न दिएका छन् । जसमा शासक हिटलर पनि पर्छन् । रणवीर अहिले आफूलाई हिटलर शैलीमा ढाल्न खोजिरहेका छन् ।

रणवीर अहिले आफ्नो शारीरिक हाउभाग, दिमागलाई फिल्मको पात्र अनुसार तयार गरिरहेका छन् । आलुदिन खिल्जीको भूमिकामा देखिन लागेका रणवीरले अभिनेता आमिर खानबाट पनि केही कुरा सिकिरहेका छन् । आमिर एउटै फिल्ममा आफूलाई विभिन्न चरित्रमा ढाल्न माहिर अभिनेता हुन् ।