निखिल उप्रेतीको डेव्यु फिल्म ‘पिंजडा’ को सिक्वेल बन्ने

नायक निखिल उप्रेतीको डेव्यु फिल्म ‘पिंजडा’ को सिक्वेल बन्ने भएको छ । निखिल शिर्ष भूमिकामा हुने गरी द्धन्द्ध निर्देशक हिमाल केसीले ‘पिंजडा २’ को निर्माण तथा निर्देशन गर्ने भएका हुन् । यतिबेला यो फिल्मको लोकेशन हन्टिङ कार्य भैरहेको छ ।

यस्तै फिल्म ‘पिंजडा २’ मा नायिका अशिष्मा नकर्मी अनुबन्धित भएकी छिन् । अशिष्मा स्वयमले आफु नायक निखिल उप्रेतीसँग तेश्रो पटक स्क्रिन सेयर गर्न लागेको बताइन् । अशिष्माले निखिलसँग फिल्महरु ‘संरक्षण’ र ‘राधे’ पछि ‘पिंजडा २’ मा सँगै काम गर्न लागेकी हुन् । ‘पिंजडा’ मा निखिलको अपोजिटमा अभिनेत्री निरुता सिंह थिइन् । निरुता लामो समयदेखि नेपाली फिल्म क्षेत्रबाट टाढा छिन् भने निखिल आफनै लगानीको फिल्म ‘रुद्र’ को छायाँकनमा व्यस्त छन् ।