बल्ल मन परे कट्रिनालाई सुशान्त

नयाँ कलाकारसँग जोडी बनाउन डराउने बलिउड अभिनेत्री कट्रिना कैफलाई अब भने युवा अभिनेताले नै आकर्षित गर्न थालेका छन् ।

कुनै समय अभिनेता सुशान्त सिंह राजपुत र अभिनेत्री कट्रिना कैफले काम गर्ने चर्चा थियो । तर, फिल्म ‘फितुर’मा यी दुइको जोडी बन्न सकेन ।

अब, भनै कैफले सुशान्तसँग काम गर्ने छनक देखाएकी छिन् । फिल्म ‘धोनीः द अनटोल्ड स्टोरी’ हेरेपछि कैफलाई सुशान्त खुबै मन परेका हुन् ।

उनले सुशान्तको कामको तारिफ गरेकी छिन् । उनले आफूले सुशान्तको कामको बारेमा सुनेको भन्दै उनलाई वधाई पनि दिएकी छिन् । सुशान्तले पनि कट्रिनाले आफ्नो कामको मुल्यांकन गरुन् भन्ने चाहेका थिए ।

यसको मतलव अब के कट्रिना नयाँ र यूवा कलाकारसँग काम गर्न उत्साहित देखिएकी हुन् त ? कुराले त यस्तै संकेत गरेको छ ।