प्रियंकाले न्यूयोर्कमा किनिन् नयाँ घर

बलिउड अभिनेत्री प्रियंका चोपडाका लागि अब बलिउड भन्दा हलिउड नजिक हुन थालेको छ । भारतमा कमै मात्र बस्ने प्रियंका अहिले न्यूयोर्कमा जमिरहेकी छिन् । अभिनेत्रीले न्यूयोर्कमा नयाँ घर किनेकी छिन् ।

उनी अहिले अंग्रेजी सिरियल ‘क्वान्टिको २’को छायांकनमा व्यस्त छिन् । फिल्म क्रिटिक्स अनुपमा चोपडालाई अभिनेत्रीले आफ्नो घरको भ्रमण गराएकी छिन् । उनको घर सिरियल छायांकन सेटबाट करिब २५ मिनेटको दुरीमा छ ।

घर नै किनेपछि चोपडा अब हलिउडमा नै जम्ने तयारीमा रहेको प्रष्ट हुन्छ । उनले यो अंग्रेजी सिरियलका लागि दैनिक १५ घन्टा काम गरिरहेको अन्र्तवार्ताको क्रममा खुलाएकी छिन् ।

बलिउड र अमेरिकी सिनेमाको ग्रामर खासै फरक नभएपनि काम गर्ने समय धेरै भएकाले व्यस्त हुने गरेको प्रियंकाले बताएकी छिन् । उनले आफ्नो भूमिका सिरियलमा धेरै भएका कारण पनि काम धेरै गर्नुपरेको बताएकी छिन् ।