दीपिका पनि निर्मात्री बन्दै

बलिउड अभिनेत्री दीपिका पादुकोण सफलताको पाइलामा छिन् । उनी अभिनित बलिउड फिल्मले त बक्स अफिसमा राम्रो कमाइ गरिरहेका छन् । उनी अहिले त हलिउड फिल्ममा पनि व्यस्त छिन् ।

दीपिकाको बलिउडदेखि हलिउड यात्राले चर्चा पाइरहँदा अब उनी फिल्म निर्माणमा पनि अगाडि आउन लागेको चर्चा छ । दीपिका आफै निर्मात्री बन्दैछिन् ।

दीपिका अहिले फिल्मको कथावस्तु हेर्दैछिन् । दीपिकाले केही स्क्रिप्टमा काम गरिरहेको बलिउड मिडियाको भनाई छ । कथावस्तु फाइनल गरिसकेपछि दीपिकाले फिल्म घोषणा गर्नेछिन् ।

बलिउडमा अनुष्का शर्मा, प्रियंका चोपडा जस्ता अभिनेत्री निर्मात्री भैसकेका छन् । अब दीपिकाले पनि आफूलाई नयाँ परिचय दिन लागेकी छिन् ।

आफ्नै होम प्रोडक्शन भएको खण्डमा बलिउडमा लामो सयमसम्म टिकिरहन अभिनेत्रीहरुलाई सजिलो हुन्छ । सायद, दीपिका पनि यही बाटोमा लागेको हुनसक्छ ।