घरबाट अलग बस्दै आलिया, नयाँ घरमा सिफ्ट हुने तयारी
अहिले बलिउडका अधिकांश कलाकारले प्राइभेट जीवन खोजिरहेका छन् । आफ्नो घर छाडेर नयाँ फ्ल्याटमा बस्ने बलिउड कलाकारको कमी छैन । यस्तैमा अभिनेत्री आलिया भट्ट पनि नयाँ घरमा सिफ्ट हुँदैछिन् ।
उनले मुम्बइको बान्द्रामा आफ्नो घर नजिकै ३ बेडरुमको नयाँ घर किनेको भारतीय मिडियाको दाबी छ । यो घरमा आलिया र उनकी बहिनी शाहिन बस्नेछन् । घरको अहिले डिजाइनको काम भैरहेको छ ।
आलियाको घरको डिजाइन ऋचा बहलले गरिरहेकी छिन् । उनका अनुसार, यो घरका लागि विदेशबाट पनि सामान ल्याइएको छ । साथै, घरलाई यूरोपियन लुक्स दिन लागिएको छ ।
अबको १० दिन भित्रमा आलिया नयाँ घरमा सिफ्ट हुनेछिन् । साथै, आलियाको छेउछाउमै उनका २ नजिकका साथी बरुण धवन र सिद्धार्थ मल्होत्राले पनि फ्ल्याट खरिद गरेका छन् ।
