धम्कीपछि फवादसँग टाढा हुँदै बलिउडकर्मी, पाकिस्तानी कलाकारको करिअर धरापमा

फिल्म क्षेत्रमा काम गर्नेहरु स्वार्थी हुन्छन् भन्ने उदाहरण यतिबेला बलिउडका फिल्मीकर्मीले पनि देखाएका छन् । बलिउडमा पाकिस्तानी कलाकार फवाद खानको लोकप्रियतापछि उनीसँग धेरै अभिनेत्री र मेकर नजिक भएका थिए । फवादको लोकप्रियता र उनको लुक्सलाई लिएर अभिनेत्रीहरु मोहित हुन्थे ।

तर, समय एकाएक बदलिएको छ । उरी आक्रामणपछि भारत र पाकिस्तानविच सुरु भएको लडाइले पाकिस्तानी कलाकारको बलिउड करिअर संकटमा पर्न थालेको छ । एमएनएस पार्टीले पाकिस्तानी कलाकारलाई भारत छाड्न अल्टिमेटमसहित धम्की दिएपछि अहिले फवाद खान, माहिरा खान जस्ता कलाकारको करिअर संकटमा देखा परेको छ । अहिले फिल्मीकर्मी फवाद खानसँग दुरी बनाइरहेका छन् ।

फिल्म ‘ए दिल हे मुश्किल’का निर्देशक तथा निर्माता करण जोहर अहिले धर्मसंकटमा छन् । उनी फवाद खानको नाम लिएर फिल्म प्रमोशन नै गर्न चाहन्नन् । फवादले केमियो गरेका केही फिल्मका निर्माता त अब उनी फिल्ममा नभएको बताउन थालिसकेका छन् ।

यस्तै, अभिनेता साहरुख खान निर्मित तथा अभिनित फिल्म ‘रइस’ पनि संकटमा परेको छ । यो फिल्ममा पाकिस्तानी अभिनेत्री माहिरा खान मुख्य भूमिकामा छिन् ।